կենսագրություն | biography

ԳԱՌՆԻԿ ԳԱԼՍՏՅԱՆ

Բանաստեղծ, գրականագետ:

 

Ծնվել է Երևանում: Հազիվ պատանի՝ գիր ու գրականություն պաշտող իր հորից ներշնչված՝ սկսել է բանաստեղծություններ գրել և պատանի ստեղծագործողների քաղաքային մրցանակաբաշխություններին մասնակցելով՝ շահել է մրցանակներ:

Ավարտել է Դ. Վարուժանի անվան դպրոցը և Երևանի պետական համալսարանի բանասիրական բաժինը: 1974 թվին Հայաստանի գիտությունների ակադեմիայի Գրականության ինստիտուտում պաշտպանել է ֆրանսահայ գրականության մասին իր թեզը և աշխատել նույն հաստատության մեջ իբրև գիտաշխատող: Հրատարակել է բազմաթիվհոդվածներ ու գրախոսականներ 20-րդ դարի հայ գրականության մասին:

Այդ տարիներին նա շարունակել է բանաստեղծություններ գրել՝ մի քանիսը միայն հրատարակելով մամուլում և «Ձնծաղիկ» ծաղկաքաղում (Երևան, 1972):

1979-ին հաստատվելով Լոս Անջելեսում՝ թղթակցել է ամերիկահայ մամուլին և դասավանդել հայկական վարժարաններում և Լա Վըրնի համալսարանի Ամերիկահայ քոլեջում: Զեկուցումներով մասնակցել է նույն քոլեջի և Կալիֆորնիայի համալսարանի (UCLA) կողմից կազմակերպված գիտաժողովների:

1983-ին «Ապրիլ» հրատարակչությունը լույս է ընծայել Գառնիկ Գալստյանի «Պարույր Սևակ, գեղարվեստական մտածողության հարցեր» ուսոմնասիրությունը:

Նա հեղինակն է նաև ազգային վարժարանների 7-րդ դասարանների աշակեր-
տության համար պատրաստված «Մեր լեզուն» դասագրքի:

2007-ին Թեքեյան մշակութային միության հրատարակությամբ լույս տեսավ
Գառնիկ Գալստյանի «Ժամադրություն աշխարհի հետ» քերթողագիրքը, որն արժանացավ նույն միության «Հայկաշեն Ուզունյան» մրցանակին:

 

 

Garnik Galstian, an Armenian poet, has been writing since his childhood days in Yerevan, Armenia. Upon graduation from the Yerevan State University, Galstian has published many articles and essays on Armenian Literature of the 20th century while working at the Institute of Literature of the Armenian Academy of Sciences.

His works have been published in numerous newspapers and magazines in Armenia and in the United States. Ever since his move to Los Angeles in 1979, he has taught at Armenian schools and at American Armenian International College of La Verne.

His works include a study of Parouyr Sevak’s literature, a collection of poems, “Jamadrutiun Ashkharhi Het,” as well as a textbook on the Armenian language.

He lives in Los Angeles with his family.

Create a website or blog at WordPress.com

Up ↑

%d bloggers like this: